ចង់បំភ្លេចដែរ
(ដឹងដែរ)
បទភ្លេងបរទេស ទំនុកច្រៀង
និងច្រៀងដោយ ស៊ីន ស៊ីសាមុត
១. ដឹងដែរ ថាមិនត្រូវស្រលាញ់អូនទេ ហេតុអ្វីបានជា
ចិត្តជាប់មាននិស្ស័យ បងខំកាត់ចិត្ត បំភ្លេចទាំងក្ដីអាល័យ
ប៉ុន្តែចិត្តនៅស្រមៃឃើញអូន។
២. ដឹងដែរ ថាបងមិនត្រូវនឹកអូនឡើយ ហេតុអ្វីបានជា
ដួងចិត្តក្រៀមស្រពោន ចេះតែរឭក នឹកអូនគ្មានពេលរសាយ
ខ្វល់ខ្វាយ មិនចង់ឃ្លាតកាយឡើយណា។
ដួងចិត្តក្រៀមស្រពោន ចេះតែរឭក នឹកអូនគ្មានពេលរសាយ
ខ្វល់ខ្វាយ មិនចង់ឃ្លាតកាយឡើយណា។
៣. នឹកសម្ដីផ្អែមពិរោះ ឈ្មោះថាឱសថស្នេហា
ចាក់ដោតឱរា ផ្សាក្ដៅក្រហាយ ឱ្យស្រណោះមិនអស់ស្ដាយ
ព្រោះកាយ ធ្លាប់ត្រកងពៅអើយពៅបង គួរអាសូរចិត្ត។
ចាក់ដោតឱរា ផ្សាក្ដៅក្រហាយ ឱ្យស្រណោះមិនអស់ស្ដាយ
ព្រោះកាយ ធ្លាប់ត្រកងពៅអើយពៅបង គួរអាសូរចិត្ត។
បន្ទរ. រឿងរ៉ាវអាក្រក់ និងល្អកន្លងទៅ នៅតែឲ្យនឹក
យប់ព្រឹកជាប់ជានិច្ច រាល់ពេលសុបិន រួមប្រាណមិនខាន
ស្នេហ៍ស្និទ្ធ ជាតិនេះបើគិតគឺមានតែអូន។
យប់ព្រឹកជាប់ជានិច្ច រាល់ពេលសុបិន រួមប្រាណមិនខាន
ស្នេហ៍ស្និទ្ធ ជាតិនេះបើគិតគឺមានតែអូន។
