ទឹកភ្នែកសួររកបង
(ទឹកភ្នែកសួររកស្នេហ៍)
បទភ្លេង ទំនុកច្រៀង...
ច្រៀងដោយ រស់ សេរីសុទ្ធា
១. ថ្ងៃនេះទឹកភ្នែក ស្រែកសួររកបង សេកលើបង្គង
បេះដូងឆ្លើយឆ្លង ក្រោមមេឃវេរាចន្ទព្រាត់តារា មច្ឆាព្រាត់គង្គា
ឱ! កម្មវេរា ឲ្យយើងព្រាត់គ្នា ក្នុងគ្រាទឹកភ្នែក។
២. ធ្លាប់សើចញញឹម សង្ឃឹមលើខ្នើយ ត្រើយក្បូនវាសនា
ធ្លាប់រួមស្នេហា លើទួលចម្លែក ឆាកល្ខោនជីវិត ដួងចិត្តប្រេះបែក
រង់ចាំថ្ងៃស្អែក ទោចទួញយំស្រែក សង្វេគឱរា។
ធ្លាប់រួមស្នេហា លើទួលចម្លែក ឆាកល្ខោនជីវិត ដួងចិត្តប្រេះបែក
រង់ចាំថ្ងៃស្អែក ទោចទួញយំស្រែក សង្វេគឱរា។
៣. បុណ្យបាយមួយវែក សណ្ដែកមួយគូ ទុកជាស្ពាន ឆ្លងទៅបរលោកា
បងប្ដូរដួងចិត្ត ឲ្យចិត្តខ្លោចផ្សា ចាំប្រុសជីវ៉ាថ្លៃថ្លាវិលវិញ។
បងប្ដូរដួងចិត្ត ឲ្យចិត្តខ្លោចផ្សា ចាំប្រុសជីវ៉ាថ្លៃថ្លាវិលវិញ។
បន្ទរ. សេកអើយ សូមជួយកាត់ទុក្ខខ្ញុំផង ទុក្ខធំកន្លង សមុទ្រភ្នំផង
ក៏ប្រៀបមិនពេញ ទំហំក្ដីទុក្ខ វិយោគទោម្នេញ បាត់ប្រុសសម្លាញ់
រស់នៅដូចចាញ់ អស់ទាំងធម្មជាតិ។
ក៏ប្រៀបមិនពេញ ទំហំក្ដីទុក្ខ វិយោគទោម្នេញ បាត់ប្រុសសម្លាញ់
រស់នៅដូចចាញ់ អស់ទាំងធម្មជាតិ។