មួយម៉ឺនអាល័យ
(ចម្រៀងភាពយន្ត រឿងមួយម៉ឺនអាល័យ)
បទភ្លេង ទំនុកច្រៀង និងច្រៀងដោយ ស៊ីន ស៊ីសាមុត
ដឹកនាំភ្លេងដោយ មែរ ប៊ុន ប្រគុំជាចង្វាក់ Slow Rok
១. សម្លេងចម្រៀង មួយម៉ឺនអាល័យ ចម្រៀងច្រៀងថ្មី
និងក្រោយបង្អស់ ចម្រៀងអ្នកក្រ ថ្ងូរស្តាយស្រណោះ
ស្ដាយចិត្តដែលស្មោះ ស្ដាយឈ្មោះស្នេហា។
២. ចម្រៀងសោកស្ដាយ ក្លាយជាពរជ័យ ជាចំណងដៃ
ដល់ថ្ងៃរៀបការ ច្រៀងរាប់ភ្ជាប់រឿង ដែលឥតខ្លឹមសារ
ជារឿងអនិច្ចា ស្នេហាប្រួលប្រែ។
បន្ទរ. តែស៊ូកាត់ចិត្ត ទាំងម៉ឺនអាល័យ ទោះជីវិតក្ស័យ
ក៏សុខចិត្តដែរ តែសូម ឲ្យអូនប្រកបក្ដីស្នេហ៍
កុំឲ្យបែកបែរ ដូចស្នេហ៍ប្រុសបង។
៣. ចម្រៀងអាល័យ ក្នុងថ្ងៃបែកគ្នា ទឹកភ្នែកច្រៀងលា
គ្រាធ្លាប់ឆ្លើយឆ្លង លារឿងទាំងអស់ លាឈ្មោះអូនបង
លាចិត្តដែលប៉ងឆ្លងស្ពានជីវិត៕
ហឺ............
-