កាត់ទោសមួយជីវិត
(គុកមួយជីវិត)
បទភ្លេង ទំនុកច្រៀងដោយ វ៉ោយ ហូរ
ច្រៀងដោយ ស៊ីន ស៊ីសាមុត សម្រួលតន្រ្តី
ដោយ ហាស់ សាឡន ថតឆ្នាំ ១៩៧១
ច្រៀងដោយ ស៊ីន ស៊ីសាមុត សម្រួលតន្រ្តី
ដោយ ហាស់ សាឡន ថតឆ្នាំ ១៩៧១
ពោល៖ សាលក្រមអ្ហើយ កាត់ទោសខ្ញុំមួយជីវិត
ជាប់គុកឧក្រិដ្ឋងងឹតឈឹង...
ជាប់គុកឧក្រិដ្ឋងងឹតឈឹង...
១. ខុសហើយខ្ញុំអ្ហើយប្រហារស្រី ប្រពន្ធក្បត់ប្តី ប្តីជ្រុលដៃប្រហារ
ស្តាយមហាអនិច្ចា ច្បាប់ដាក់ទោស អស់មួយសង្ខារ
ស្តាយមហាអនិច្ចា ច្បាប់ដាក់ទោស អស់មួយសង្ខារ
ចោលបុត្រាម្នាក់ឯង។
២. រត់រួចពីគុកចង់ជួបមុខកូន ទាំងយប់ស្ងាត់សូន្យ កូនអ្ហើយ
ប៉ានឹកណាស់ថ្លៃ យំក្នុងគុករាល់ថ្ងៃ ទ្រាំមិនបានទេណាចរណៃ
លែងខ្លាចអ្វីរត់រួចពីគុក។
ប៉ានឹកណាស់ថ្លៃ យំក្នុងគុករាល់ថ្ងៃ ទ្រាំមិនបានទេណាចរណៃ
លែងខ្លាចអ្វីរត់រួចពីគុក។
៣. ស្តាយខុសអស់មួយជីវិត មួយជីវិតវេទនាដល់កូន កូនអ្ហើយ
ជាតិនេះយ៉ាងណា កូនទទួលកេរបាបពីប៉ា គឺទឹកនេត្រា
អនាថាវង្វេងក្នុងលោក។
ជាតិនេះយ៉ាងណា កូនទទួលកេរបាបពីប៉ា គឺទឹកនេត្រា
អនាថាវង្វេងក្នុងលោក។
បន្ទរ. ប៉ាសូមលាកូនចូលគុកវិញហើយ កូនអ្ហើយទ្រាំ
តាមបាបកម្មទៅ ប៉ាលាហើយណាពៅ គេចាប់ប៉ាយកទៅឥឡូវ
នៅក្នុងគុកខានឃើញមុខហើយ។
តាមបាបកម្មទៅ ប៉ាលាហើយណាពៅ គេចាប់ប៉ាយកទៅឥឡូវ
នៅក្នុងគុកខានឃើញមុខហើយ។
