ចាំជួបរាល់ថ្ងៃលិច
(គេងយោលអង្រឹង)
បទភ្លេង ទំនុកច្រៀងដោយ វ៉ោយ ហូរ
ច្រៀងដោយ ស៊ីន ស៊ីសាមុត ប្រគុំជាចង្វាក់ Slow
ច្បាប់ដើម |
១. គេងយោលអង្រឹងទន្ទឹងមើលផ្លូវ ថ្ងៃលិចផុតទៅ
អាសូរស្រីពៅនៅតែរង់ចាំ ច័ន្ទរះមាត់ទឹកនឹកអស់បណ្ដាំ
រលកទន្លេគគ្រាំ ទួញយំឲ្យទ្រាំនឹងកម្មវាសនា។
២. ចង់ជួបជានិច្ចរាល់ថ្ងៃលិចទៅ ចង់ជួបណាស់ពៅ
លង់លុះឥឡូវនៅតែប្រាថ្នាខាំធ្មេញតឹងទ្រូងទួងចិត្តខ្លោចផ្សារ
សង្គ្រាមនៃចិត្តគ្រួសារប្រហារស្នេហ៍យើងក្នុងភ្លើងគ្មានផ្សែង។
៣. ទោះខ្នោះច្រវ៉ាក់ដាក់បងយ៉ាងណា តែចិត្តស្នេហា
នៅតែស្រវ៉ាហោះជួបគ្មានក្រែង ស្លាប់ត្រូវគ្រាប់ចុះឲ្យអស់ចំបែង
គ្មានខ្លាចទេដាវលំពែង តាក់តែងជាថ្មីជួបស្រីណាពៅ។
៤. ជួប រាល់ថ្ងៃលិចឲ្យភ្លេចម្ដេចបាន ទូកតូចកល្យាណ
ធ្លាប់ចែវកំសាន្តជិតពេលយប់ជ្រៅ បើបងជាគ្រុដរត់ឆក់ឥឡូវ
បំបាំងកាយបងនឹងពៅផុតភ្នែកសត្រូវរស់នៅសុខសាន្ត៕
-