នេះគឺរឿងបង
(ភ្លើងគ្មានផ្សែង)
បទភ្លេង ទំនុកច្រៀងដោយ ពៅ ស៊ីផូ
ច្រៀងដោយ ស៊ីន ស៊ីសាមុត ថតឆ្នាំ ១៩៧៣
១. ទឹកសមុទ្រ ផុតកន្ទុយភ្នែកវែងឆ្ងាយ ឯក្ដីស្រមៃក៏ឆ្ងាយ
ជាងហ្នឹងទៅទៀត បងនឹកទៅអូន នឹកឥតពេលឃ្លាត
នឹកពេលបានស្គាល់រសជាតិ បែរជាឃ្លាតពីប្រាណ។
២. ក្ដីប្រាថ្នាលាយនឹងសេចក្ដី សង្ឃឹម ហើយបងញញឹម
លាយនឹងទឹកភ្នែកគ្មានស្រាន សង្ឃឹមៗ ថាកែវកល្យាណ
អូននឹងវិលវិញមិនខាន បានជួបគ្នាជាថ្មី។
បន្ទរ. បងនឹកបងគិត បងបិទភ្នែកផ្សង នេះហើយ
រឿងបងដែលថ្លែងរាល់ពេលរាត្រី ខ្វះការរស់នៅ
គឺខ្វះរូបស្រីរស់ក្នុងផែនដីម្នាក់ឯង។
៣. អូនឃ្លាតទៅ ឥតបានទុកនៅសន្យា អ្វីក៏មិនថា
រែងរឹតឲ្យបងចំបែង នេះហើយភ្លើងស្នេហ៍ជាភ្លើងគ្មានផ្សែង
ធ្វើឲ្យបេះដូងហួតហែង ចិត្តចំបែងលុះក្ស័យ៕