ណារីនឹមនួន
បទភ្លេង ទំនុកច្រៀងដោយ ឯល ប៊ុនណា
ច្រៀងដោយ ស៊ីន ស៊ីសាមុត ថតឆ្នាំ ១៩៧៣
១. ឱណារីនឹមនួន អូនល្អណាស់ណាស្ងួន ពួននឹងបងដល់ណា
អូនស្រស់ណាស់ ស្រស់លើសបុប្ផា ទាំងឫកពាពុំងាសមឥតទាស់។
សំណាងបងបាន ជួបនឹងឆោមកែវស្រស់ ឃើញភ្លាមចិត្តរៀមស្មោះ
បានស្គាល់ទាំងឈ្មោះពីរោះជាប់ចិត្ត គេងគិតរាល់ថ្ងៃស្រមៃជានិច្ច។
កុំបំភ្លេចឱ្យរៀមបងកំព្រា។
២. ឱណារីមាសស្នេហ៍ តើអូនដឹងខ្លួនទេ ថារៀមស្នេហ៍ជីវា
ជាតិនេះបងសូមផ្សងសច្ចា ជួបស្នេហាៗលើនួននាង
ដើម្បីស្ងួនអូនអើយបងខំស្រែកច្រៀង ឱសំនៀងដ៏ស្មោះអស់ពីដួងចិត្ត
ស្នេហ៍ពិតលើស្រី ឥតបីប្រួលប្រែគេចកែសាវា ចោលស្នេហាឱ្យរងា៕
ស្នេហ៍ពិតលើស្រី ឥតបីប្រួលប្រែគេចកែសាវា ចោលស្នេហាឱ្យរងា៕
(ច្រៀងពីរដង)
