ញញឹមចុងក្រោយ
បទភ្លេង ទំនុកច្រៀង...
ច្រៀងដោយ ស៊ីន ស៊ីសាមុត
១. ញញឹម ញញឹមមក បងសូមទុកជាអនុស្សារ
ញញឹមមកកែវជីវា ស្នេហាយើងមានរស្មី។
២. ញញឹម ញញឹមទៀត មុនបងឃ្លាតចេញពីស្រី
ញញឹមមកទាំងប្រណី ភក្តីស្រីបែកបែរ។
បន្ទរ. បងគេងគេងស្រមៃ ឃើញភក្ត្រស្រីដូចដួងខែ
ដួងចិត្តឥតឃ្លាតពីស្នេហ៍ ឥតល្ហែព្រោះក្តីអាល័យ។
៣. រស្មីដួងនេត្រា គឺសញ្ញានៃជីវិតថ្មី
ឆ្លាក់ជាប់ក្នុងដួងហឬទ័យ លុះថ្ងៃក្ស័យសង្ខារ។
