កំពង់ធំជំរំចិត្ត
បទភ្លេង ទំនុកច្រៀង និងច្រៀងដោយ
អធិរាជសម្លេងមាស ស៊ីន ស៊ីសាមុត
១. នេះគឺសំណាង យ៉ាងចំណាន ដែលវាសនាបាន
នាំឲ្យរូបខ្ញុំចាប់ចិត្ត គិតផ្សងបំណងលើមុំ
ឱកំពង់ធំ ថ្លើមជីវិត។
២. រសក្លិនកូលាប ជ្រាបសព្វប្រាណ ត្រជាក់ប្រៀបបាន
នឹងទឹកអម្រិត កែវអើយ សូមស្ងួននួននាងអាណិត
ស្រោចស្រង់ជីវិត ដោយប្រណី។
បន្ទរ. រៀមសូមសច្ចា ចំពោះមុខអើយ
មានភ្នំសន្ទុក ជាសាក្សី បើខ្ញុំមិនស្មោះ
ចំពោះស្រី សូមអ្នកប្រល័យខ្ញុំចោលទៅ។
៣. ឱកំពង់ធំជំរំចិត្ត សូមផ្ញើជីវិត រឿងពិត
នឹងពៅសូមស្ទឹងព្រៃប្រស់ជួយចែចូវ
រូបពៅឲ្យខ្ញុំ ជាគូអើយ៕
ទាញយក