ព្រាត់ទាំងស្រលាញ់
បទភ្លេង ទំនុកច្រៀងដោយកវី ពៅ ស៊ីផូ
ច្រៀងដោយ ស៊ីន ស៊ីសាមុត ថតឆ្នាំ ១៩៧៣
១. បងព្រាត់ពីអូន ព្រាត់ទាំងស្រលាញ់ ហើយបង
ចុះចាញ់ ក្ដីស្នេហ៍ដែលបងប្រាថ្នាបើទ្រាំទៅទៀត
ក៏ឥតខ្លឹមសារ ក្នុងភពស្នេហាសែនក្ដៅ។
២. បងព្រាត់ពីអូន ព្រាត់ទាំងទឹកភ្នែក ចម្រៀង
ថ្ងៃស្អែក ក៏នៅមានន័យហ្មងសៅគេចមិនផុតទេ
អន្លង់ស្នេហ៍ជ្រៅ ស្រមៃស្រែកហៅតែអូន។
បន្ទរ. កែវភ្នែកធ្លាប់សម្លឹង ទោះបីខឹងភ័ក្ត្រ
មិនដែលស្រពោន មិននឹកស្មានថាព្រាត់អូន
ជីវិតដូចក្បូនលូនរសាត់គ្មានត្រើយ។
៣. ឈ្មោះអូនដូចផ្កាបងបូជាព្រះ បងស្រលាញ់ណាស់
មិនចង់ឃ្លាតពីចិត្តឡើយ ពេលនេះស្រែកហៅ
មិនឮ សូរឆ្លើយ អស់ហើយសេចក្ដីសង្ឃឹម៕
