បងរស់ព្រោះអូន
(ក្រោមមេឃលើដី)
បទភ្លេង ទំនុកច្រៀង...
ច្រៀងដោយ ស៊ីន ស៊ីសាមុត
១. ក្រោមមេឃលើដី មានតែស្រីមួយ ដែលជាជំនួយ
នៃរឿងជីវិត ខ្លួនអូនស្នេហ៍អូនជាទឹកអម្រឹត ជួយស្រង់ជីវិត
ឲ្យមានដង្ហើម។
២. បុប្ផារស់បាន អាស្រ័យគង្គា ទេសភាពនានា
អាស្រ័យសន្សើម រូបបងរស់បានអស្រ័យថ្លៃថ្លើម
គឺជាដង្ហើមផ្សើមឫសសង្ខារ។
បន្ទរ. ក្នុងលោកនេះណា កល្យាណ គ្មានអ្វីសំខាន់
ដល់បងឡើយណា មានតែអូនមួយជាត្រួយនេត្រា
ដែលរៀមប្រាថ្នា ជាគូលុះក្ស័យ។
៣. ទោះជាផែនដីរលាយសោះសូន្យ ស្នេហ៍បងនឹងអូន
មិនសូន្យទេថ្លៃ ស្នេហ៍រស់គង់វង់រុងរឿងលុះដល់ក្ស័យ
គ្មានអ្វីប្រល័យស្នេហ៍យើងបានឡើយ៕