រាត្រីដែលបងនឹកមិនភ្លេច
(ចិត្តសែននឹក)
នឹកសែននឹក រលឹករលោងទឹកនេត្រា សែនខ្លោចផ្សាចិន្ដាគ្មានស្បើយ
គេងក៏មិនលក់ បក់មិនល្ហើយ មិនល្ហើយ ព្រលឹងអើយម្ដេចមិនប្រណី។
សូរិយន្តទន់ទាប បាំងបាត់រស្មី ធម្មជាតិខៀវខ្ចីប្រែស្រពោន
ស្នេហ៍រសាត់ដូចក្បូន រាត្រីស្ងាត់សូន្យបងគេងម្នាក់ឯង រង់ចាំមើលផ្លូវគូរស្នេហា។
ស្នេហ៍រសាត់ដូចក្បូន រាត្រីស្ងាត់សូន្យបងគេងម្នាក់ឯង រង់ចាំមើលផ្លូវគូរស្នេហា។
( ភ្លេង )
បើនឹងផ្ដាំតាមទឹក ហូរមិនដល់ ផ្ដាំតាមខ្យល់ក៏ខ្យល់មិនចេះវាចារ
ស្រមៃញឹកនឹកគ្រប់ពេលវេលា ឱ!ស្នេហាមេត្តាបងផង។
ស្រមៃញឹកនឹកគ្រប់ពេលវេលា ឱ!ស្នេហាមេត្តាបងផង។
ខ្យល់សែនត្រជាក់ ធ្លាក់មកម្ដងៗ ហាក់លួងលោមជួសដៃស្រីស្នេហ៍
ឲ្យស្រៀវស្រើបម្លេះទេ ឱ!ព្រលឹងស្នេហ៍សូមអូនឆាប់ត្រឡប់ ត្រឡប់មកជួបនឹងរៀមរា។
ឲ្យស្រៀវស្រើបម្លេះទេ ឱ!ព្រលឹងស្នេហ៍សូមអូនឆាប់ត្រឡប់ ត្រឡប់មកជួបនឹងរៀមរា។
( ភ្លេង )
រៀមគេងចាំទាំងញញឹមសង្ឃឹមក្នុងចិត្ត បើគូរព្រេងពិតរៀមឥតខ្មាស់
លំបាកយ៉ាងណាសុខចិត្តតែរង់ចាំ ទោះរាប់រយពាន់ឆ្នាំចាំតែស្រី ។
លំបាកយ៉ាងណាសុខចិត្តតែរង់ចាំ ទោះរាប់រយពាន់ឆ្នាំចាំតែស្រី ។
រាត្រីសែនស្ងាត់ បាត់រូបចរណៃ គេងស្រមៃឃើញនួនល្អង បាននិយាយឆ្លើយឆ្លង
អូនអ្ហើយអូនបង ក្នុងជាតិនេះម្ដង បងប្រាប់នួនល្អងថាបងស្នេហ៍អូន ។
អូនអ្ហើយអូនបង ក្នុងជាតិនេះម្ដង បងប្រាប់នួនល្អងថាបងស្នេហ៍អូន ។
- ច្រៀងដោយ ស៊ីន ស៊ីសាមុត
- និពន្ធដោយ ?
- បទភ្លេង ?
-ទំនុកច្រៀង ?
- ផលិតកម្ម ?
- ថតឆ្នាំ ?
