មានទោសព្រោះសម្តី
(ចម្រៀងភាពយន្ត រឿងម៉ាភូយុងកែវ)
១. ដាច់ចិត្តអ្វីម្លេះ ទោសនេះកើតមកពីសម្តី
ដែលចិត្តស្មានថាបានប្រពៃ ប្រែឥតន័យឲ្យទោសពៃរ៍ទៅបាន។
ដែលចិត្តស្មានថាបានប្រពៃ ប្រែឥតន័យឲ្យទោសពៃរ៍ទៅបាន។
២. បើសិនខុសពិត គួរគិតករុណាប្រោសប្រាណ
ដល់ជីវិតខ្ញុំឥតសណ្ដាន ស៊ូប្ដូរប្រាណតាមបំរើគ្រប់គ្រា។
ដល់ជីវិតខ្ញុំឥតសណ្ដាន ស៊ូប្ដូរប្រាណតាមបំរើគ្រប់គ្រា។
បន្ទរ. ឱព្រះព្រហ្មលិខិតម្ចាស់លោក ម្ដេចមិនយាងមកបំផ្លាញសង្ខារ
ឲ្យខ្ញុំសូន្យទៅទុកនៅដល់ណា សូមកុំមេត្តាខ្ញុំឡើយ។
ឲ្យខ្ញុំសូន្យទៅទុកនៅដល់ណា សូមកុំមេត្តាខ្ញុំឡើយ។
៣. លោកនេះឃោរឃៅ ទ្រាំនៅក៏ពុំយល់កោះត្រើយ
ខំសាងល្អក៏មិនល្អឡើយ មច្ចុរាជអើយផ្ដាច់ជីវិតខ្ញុំទៅ៕
ខំសាងល្អក៏មិនល្អឡើយ មច្ចុរាជអើយផ្ដាច់ជីវិតខ្ញុំទៅ៕
