លួចស្នេហ៍លួចទុក្ខ
បទភ្លេង ទំនុកច្រៀង
និងច្រៀងដោយ ស៊ីន ស៊ីសាមុត
១. គេងព្រួយតែឯង រកថ្លែងមិនរួច ព្រោះស្នេហ៍
លាក់លួច លបស្រឡាញ់គេ លួចស្នេហ៍លួច
ទុក្ខព្រួយឥតទំនេរ តើឲ្យខ្ញុំរេគិតរបៀបណា។
២. ស្នេហ៍ខ្លាំងទុក្ខខ្លាំងភាន់ភាំងគំនិត ក្តីស្នេហ៍ធំពិត
ធំជាងសង្ខារ ប្រះខ្នងគងខ្នើយកើយគេងកាលណា
ឃើញតែភក្ត្រាច្បាស់នៅមុខបង។
បន្ទរ. យល់មុខទុក្ខមក ដូចជាគេដាក់ ធ្ងន់ឡើងឥតស្រាក
សោះឡើយនួនល្អង ទុក្ខស្នេហ៍ទុក្ខស្និទ្ធ ទុក្ខធំកន្លង
ជាតិនេះស្គាល់ម្តង ឆ្លងមិនផុតឡើយ ។
៣. តើធ្វើម្តេចទៅឲ្យពៅយល់ចិត្ត ថាប្រុសស្នេហ៍ស្និទ្ធ
ឥតបែរកន្តើយ រាល់ថ្ងៃរៀមសឹងដាច់ខ្យល់ស្លាប់ហើយ
អូនអើយប្រណីយល់ចិត្តបងផង ៕
